Monday, October 8, 2012

MUIRITU GATHIRANGE MUHONOKI KUHENIO NI NJAMBA NJANGANJANGI YA GICAGI.



Njamba njangacangi ari mwanake umwe muthaka na murungaru muno nakuu icagiini cia Kiinyaa,na muthenya umwe nakuu kwao ni kwari na muiritu  wari gathirange na muhonoki,wathiaga akihunjagia icagiini,ona gutwika wira wake uria arutaga ni wa murutani wa cukuru.
Njamba Njangacangi  niatigite cukuru gatenange, na ni ari na kamutugo ga kuhenagia tuiritu  na gutwikira nda.Na  tondu ari muhe kiheo kia kwaria wega na kumenya gutereta  nyoro,na ningi ari muini na mugambo wa iguru na kuhura kinanda na ngita, agucagiriria airitu ta njuki inungirite cukari.

MUIRITU GUCEMANIA NA NJANGACANGI MAHUNJIRIOINI MAKE ICAGIINI

Muthenya umwe ni macemanirie na muiritu gathirange agithiururuka icagi, akigeria kuheeana ndumiriri ya uhonokio.Na njamba igitamburukia mathagu ikiamukira muiritu ucio  tuciiraini twao.Nake muiritu akimumwenyithia ritwa riake na akimwira ni muhonoke ni Jesu Kristo.Agigithii na mbeere kuuga aria oherwo mehia make naa uria athiaga agithereagi ni Roho Mutheru miturireini yake.
Njamba okahinda kau akimuthekia na akimumenyithia ha ritwa uria etagwo, na aciari ake ni ahonoki nowe ndari akinya hau mutharabaini, na akiinira muitu ucio karwimbo ‘ “Ni kuri Bururi mwega ma na tungitikia twawonwa amu Ngai niatuire okwo atuthondekagira mucii…” Muiritu ndari aigwa mugambo  nyoro ta ucio. Akimuria nikii kigiragia ahonoke , nake  Njamba   akiuga ni tondui niendete ikeno cia thin a cia mwiri muno.
Muiritu akiona kamweke ga kugeria kumugarura, agithoma Bibilia kana Ibuku Itheru..haria hekuga ati hatiri bata wa kuoya thi yothe na  mundu aage kugaya muoyo wa tene na tene. Ningi hangi hekuga ati mwira na kwenda kwaguo itikagaya muoyo na igatigwo guku thi. Njamba akiruga na akiina  “Muiri na kwenda kwaguo igatigwo guku thi ..ikeno ciakwa ciothe iguru matuini.”

MUIRITU KUONIO MUCII KWA NJAMBA

Na tondu nikwari kahwaini   Muititu akiuria Njamba kana no amwonie kwao ni getha atungane na Muru na Mwari wa Ithe wao,tio ni aciari a Njamba, akimutwara kwao na magitungana na aciari,aria makenire kuona mwana wao mucangacangi arehete nyarari ya muiritu muhonoki kwao.Magikimwira ateithie mwanake wao  ahonoke.

MUIRITU KUMAGARIO NI NJANGACANGI KAHWAINI

Hindi oro iyo Muiritu akiurio kana no arararirire akiuga aca tondu niararutana kiroko,no muhaka ainulke. O kahinda oro kao Njamba akiuria kana no aumagarie muiritu, aciari ni mari nan ganja hanini no muritu akiuga hatiri na thina no aumagario.
Njamba igikena ikuga ni ngenda ahunjangirie hanini ringi ndahota oro kwihonekera njiraini.Magigithii nginya kwa muiritu. Makinya murangoini mbuura ya marurumi ikianjia kuura. Muiritu akiuria Njamba aingire nyumba etere mbura ikie na nigetha amuthondekere gikombe gia cai, na mathome Biblia na mahoe hamwe atanainuka.
NYUMBA KWA MUIRITU NGAKAMA IKIANJIA
Thutha wa kunyua gacai na kuria tuirio twega,na guthoma Ibuku Itheru ria Ngai,makihoya na tondu mbuura ndiakiaga Muiritu akiria Njamba kana no akome hau gitiini agathii mucii kiroko,nayo Njamba ikiuga gutiri na thina. Muiritu agigithii gwake uriri gukoma.Gatagati utuku Njamba ikimuita ikiuga ni ikwenda mahoya tondu ni yagire toro tondu wa mahunjio maria  ahunjiirio ni Muiritu.
Muritu agigikira agithii gitini haria Njamba aikaire nigetha mahoe nayo njamba ikuiga ikwenda igiriirwo muko ni getha  caitaini wa kamwiiri atigane nayo.Muiritu ari na matotoro no ni endaga muno Njamba ihonoke.Riria aigiriire njamba moko nayo ikimuikia tucara twa nduma,uguo ni ta kuuga eri makinyitana na gutari gute kahinda Muiritu aiguire kamwiri ka Njamba thiini wa kamwiri gake.
Muiritu akiruga na iguru akkiuria Njamba niatia yeka, nayo ikiuga no kumuhutia yamuhutia hanini.Muiritu akimumenyithia ati ni kumugwata amugwata na hinya na amuminjiria mbegu njuru, na macio ni mehia manene muno.Njamba agiukire akiambiriria kuura nake Muiritu akimuira ndakoime nyumba iyo,tondu oima Muiritu ni ekuga mbu ati ni agwatwo na hinya.Muiritu akira Njamba tondu niyakimuthukia hsatiri bata wa kuinuka utuku no icoke gitiini ikome.
Njamba igicoka gitiini ikiigirira na ikiambiriria kungorota igikomo ta  inogotete wega.Nake Muiritu akihingira gwake gwa toro akirira na akihoyaga Ngai amuohere o nginya kiroko riria Njamba yoigire ni gwakia  na igikuririra.Muiritu nake agigithii wira ahurikangite muno,tondu atuire aheanaga uira wa uhotani wa mitugo ya mwiiriu na riu arecira ni aekugia nda thutha wa Njamba kumucoka nakuu gwake.

MUIRITU KUNYITWO NI KIEHA TONDU WA GUTHUKIA UIRA WAKE

Kwirikanaga ati Muiritu ni agiire nda na thutha wa kurirea mithenya miingi atoi uria egwika,tondu ndangimenyithia Njamba kana aciari aake uria gwathiire,agikiona wega ni arute ihu riu.No niakimenyekire ni Ahonoki aria angi riria acereirwo ni mwari Ithe umwe na agikimuhe uira wa uria araguire ,nanikio atookaga ngwataniro ya ahoonoki,nake ucio akihuha  kameme.
Uhoro wa kugwa gwake ni wamuhutirie muno tondu aturaga athiaga muthenya na utuku akihunjaqgia na gutiri hindi ari etikira aumagario ni mundu murume ta Njamba, na aikarire nkahinda kanene atekwiohera  ona gutwika Ngai witu ni wa Wendo na Utugi, na twaumbura mehia maitu niatwohagira.

NGAI NDAHA TA ANDU; RIRIA RIOTHE TWAHERA MEHIA MAITU ATUOHAGIRA GUTARI NGANJA

Ngai ndahuana ta andu ahonoki kana matahonokete, matihotaga kwohanira,meciragia o mehia maria mundu ekiire ; no Ngai atuohagira na agatutheria cwa,na agatuhe hinya wa guthii na mbere thiini wa Roho gutura muoyo wa uhotani na gwitheria.
Thiini wa thi ino gutiri mundu ona umwe utari mwihia,aria mamenyete Mwathani na megetikira kuhonokio,mathiaga na mbere guthema na kuheere mehia  na magatuura mari akure na ahotani thiini wa weega wa Ngai.No aria maregete kuhonokio matithemaga wihia kana kwenda kwa mwiiri mathiiaga ona mbeere kwihia ta gutari Ngai,aci nio marekeririo meeke o uria mekwenda.No muthia wa maundu moothe na muoyo wa guku thi tumenyage ati kwi Ngai na nitukarugama mbeere yake gitiini gia ciira.

ITHE,MURIU NA ROHO;NGAI UMWE MUUMBI NA MUHONOKIA WITU AROGOCWO HINGO CIOTHE

Kwoguo ,turirikanage ati Ngai Umwe ekuo na niwe Mutumbi na ari na gitumi thiini wa mioyo iitu.Reke tuture tumuigwite na tumwathikiire,tugitheragia mioyoini iitu.Ngai  nowe Mwathani na Muhonokia. Arogocwo hingo ciothe.

No comments:

Post a Comment